ოთხშაბათს დოლარის ინდექსი გაიზარდა წინა
სესიაზე ორთვიანი მინიმუმამდე დასვლის შემდეგ, რადგან ინვესტორებმა შეამცირეს თავიანთი გაყიდვები, რათა დაეფიქსირებინათ თავიანთი მოგება პარასკევს აშშ-ს არასასოფლოსამეურნეო სექტორში დასაქმების მნიშვნელოვანი მონაცემების გამოქვეყნების წინ.
თუმცა, დოლარის მთავარი ტენდენცია მაინც ვარდნისაკენაა მიმართული და აშშ-ის კერძო დასაქმების მონაცემებმა, რომელიც ოთხშაბათს გამოქვეყნდა, ეს დაადასტურა. მონაცემებმა კიდევ უფრო გააძლიერა მოსაზრება იმასთან დაკავშირებით, რომ ფედერალურ სარეზერვო სისტემას შესაძლოა არ დასჭირდეს საპროცენტო განაკვეთების დიდი გაზრდა.
გვიან დილით ვაჭრობაში დოლარის ინდექსი გაიზარდა 0,2%-ით და 101,75-მდე ევროსთან მიმართებაში, რომელიც 0,3%-ით დაეცა და 1,0925 დოლარამდე შემცირდა.
ADP ეროვნული დასაქმების მოხსენებამ აჩვენა, რომ აშშ-ს კერძო დამსაქმებლებმა მარტში მოსალოდნელზე გაცილებით ნაკლები მუშა დაიქირავეს, რაც მიუთითებს სამუშაო ბაზრის ინერტულობაზე. კერძო სექტორში დასაქმება გასულ თვეში 145 000 სამუშაო ადგილით გაიზარდა. Reuters-ის მიერ გამოკითხული ეკონომისტები ვარაუდობდნენ კერძო სექტორში დასაქმების 200 000-ით ზრდას.
ოთხშაბათს კიდევ ერთმა მოხსენებამ მიუთითა ეკონომიკური სისუსტის გაგრძელებაზე - ამჯერად მომსახურების სექტორში. ინდუსტრია მარტში მოსალოდნელზე მეტად შენელდა, რადგან მოთხოვნა შესუსტდა და მომსახურების ფასები დაეცა ყველაზე დაბალ დონეზე ბოლო სამი წლის განმავლობაში.
არასაწარმოო ISM ინდექსი გასულ თვეში 51,2-მდე დაეცა თებერვლის მონაცემებიდან, რომელიც 55,1-ს შეადგენდა, ხოლო ფასის კომპონენტი თებერვლის 65,6-დან 59,5-მდეა დასული, მომსახურების სექტორის დასაქმების მაჩვენებელი ასევე 45,8-მდეა დაცემული თებერვალთან შედარებით, როდესაც იგივე მაჩვენებელი 47,6-ს შეადგენდა.
კლივლენდის ფედერალური სარეზერვო ბანკის პრეზიდენტმა ლორეტა მესტერმა, რომელიც ცნობილია თავისი ხისტი პოლიტიკით, ოთხშაბათს Bloomberg TV-სთვის მიცემულ ინტერვიუში განაცხადა, რომ ჯერ ნაადრევია იმის თქმა, დასჭირდება თუ არა აშშ-ის ცენტრალურ ბანკს საორიენტაციო საპროცენტო განაკვეთის გაზარდოს მაისის დასაწყისისათვის.
აშშ-ის საპროცენტო განაკვეთის ფიუჩერსული ბაზრები ამჟამად მიიჩნევენ, რომ არსებობს 62%-იანი შანსი იმისა, რომ მომავალ შეხვედრაზე Fed განაკვეთებს უცვლელს დატოვებს.
დოლარმა მესამე დღიური ზარალი განიცადა იაპონურ იენთან მიმართებაში, დაეცა 0.6%-ით და მიაღწია 130.92-ს. შვეიცარიულ ფრანკთან მიმართებაში დოლარი ბოლოს 0,1%-ით დაეცა და 0,9047 ფრანკს შეადგენდა.
